تعبت يابا

من الحياه دي

عمال أطيب

عمال أدادي

وهيا يايا

مستحلفالي

أصالحها مرة

تقوللي برة

وكل مرة

تقول دا عادي

طول عمري حرة

وعيشتي مرة

هاتيجي أنتا

تقف قصادي

أقول ياحلوة

يأحلي غنوة

والله بحبك

وربي شاهد

بعشق نهارك

وبدوب في ليلك

وعمر قلبى

ما حب غيرك

بتزعليني

وتعصبيني

وبتشيليني

وتحطيني

وأبقي فوق

وتنزليني

ولسه شايلك

جوا عيني

أرجوكي حسي

وعليا بصي

دا العمر لسه

فاضله قصه

يلا أكتيبيها

بشكل تاني

تقوللي بكره

أو بعد بكره

يمكن أفكر

في حد تاني

أه ياني منك

ويا تقل دمك

دا أنا بعدي عنك

أفضل نهاية

خلاص يا حلوة

بيني وبينك

مفيش كلام

دا الحب غنوة

غانيتها وحدي

في ليل طويل

وعمري عمري

من بعد حبك

صبح أسير

لوهم حبك

أنا قلبي ضحي

ضحي كثير

خلاص يا حلوة

بيني وبينك

مفيش كلام

وبكره تيجي

تبوسي أيدي

لما تشوفيني

بحب غيرك

ساعتها تجري

كثير ورايا

دا أنا حبي ليكي

أسوأ بدايه

وبعدي عنك

أفضل نهاية

.

ع المنبر واقف ومطلع سيفه

شايف قدامه الأعداء

قاعدين ومسلمين

خايفين ونعسانين

ساكتين ومطنشين

م الخوف مرعوبين

سيفه عمال بيشاور

للنار ليه واقفه بعيد

تعالي أحضرينا

دول زوارك أكيد

كلها يوم والثاني

ويجولك فـ الحديد

مفيش فيهم رجا

ولاحتي فـ جيل جديد

تصرخ النار وتبكي

في قلب هناك مرعوب

يضحك علي نص كلامها

الرعب دا شيء مطلوب

يمكن بفضله يرجع

لعقله كدا ويتوب

القلب يشوف النار

حواليه من كل مكان

يجري بنبضه ويهرب

لعالم مفهوش سيوف

مفهوش غير الألم

ودموع بتطفي النار

سيف الظلام يعود

ويعلي لفوق لفوق

وينزل ع الجراح

القلب يحترق

ويقول كفايه سماح

السيف عمال بيعلي

وينزل علي أي نور

شافه بالقلب بيحلم

بعفو ورحمه ونجاه

السيف عمال يخرب

والقلب يقول الله

عفوك ربي أنقذني

من سيف هذا الشيطان

تسود الدنيا فجأه

ويقع القلب ويتوه

مش عارف هوا فين

الموت عمال يقرب

مفاضلشي غير دقتين

القاعدين قاموا أنتفضوا

حرام يا مسلمين

عايزين دكتور بسرعه

القلب دا مسكين

.

من بعد سنين

من التمكين

والرسم

والتهليل

والتزيين

خرج الظالم

بوجه حزين

لأول مره

نحس أنه

حمل مسكين

أتلمت عليه

سيوف سكاكين

ما يهمهاش

جيوش حطين

اللي بتنزف

بقالها سنين

من جرح مل من الألم

مدفون بمقابر الندم

بيدن كل لحظه أنين

وقلوبنا مش سامعين

غير صوت حقير الطامعين

بيدندن غنوة الملاعين


"- أعدام الظالم مكسبين

مكسب لينا

ولأعادينا

وهيحصل أيه

لومات الظالم

علي أيدين أعادينا "-


أما صحيح ملاعين

وتقولو لأ فاهمين

أنتم ولافاهمين

ولاعايزين

غير الخراب لينا

أرجوكم تبعدو

بغنوتكم عن أراضينا

أعدام الظلم

لازم يكون على أدينا

قبل مايسرق

الحلم الباقي لينا

...

أعدام الذل

هيشفي جروح ملايين

ويمحي من توبنا ذنوب

كان هوا السبب فيها

بقاله سنين عايش

كما الأموات

بيتنفس دمنا

زي الجنين

من غير مايسأل

الدم جاي منين

وف كل صباح

يأمر رجاته

يرسموا صورته

ويلونوها

ببياض يسرقوه مالعين

وأحنا بنرتجف م الخوف

بنكدب نفسنا من سنين وسنين

هوا بياض الصورة شكله حزين..؟

...

الخوف هيموت النهاردة

أوحتي بعد يومين

على أيد شريفة

لا تعرف غش

ولا تلوين

تقدر تداوي الجرح

وتلملم قلوب تايهين

وتوقف عدو طمعان

يعرف مكانه فين

تقدر تلجم وتخرص

فرقة الملاعين

أصحاب غنوة

أعدام الظالم

مكسبين

انا طفل بحبي

فوق حصيرة

عيدانها شوك

أشوف عيون حبيبي

أصــرخ

وأنط لفوق

لحظة لقانا

أرتـجف

وأبـكي

أول ما أسكن

جوا حضنة

تختفي بينا الفروق

ترقص خيول الفرحة

جـوايا

وتجري عالطريق

تبعتر الفرحة

على العدو

قبل الصديق

ألاقي الحزن

واقــف

ومستني

بقلب جريء

يـقابـلني

يحضني

يشعل فقلبي حريق

أعود لحبيبي تاني

وفقـلبي

لهفه وشوق

أرجع أدوق الشهد

وفلحظه واحدة

أفـــوق

تتولد خيول الفرحة

وبسرعة تاني

تـمـوت

وأزاي

تدوم الفرحة

جـوايا

وبالي يروق

والحزن

ورا فرحتي

فـوق

الطريق

مطلوق

                                                

.

بكيت كتير ولسه

فعيوني ألف دمعة

دا الظلم حاجة حلوة

تطرح في الدنيا شمعة

تقف وسط الطريق

بين العدو والصديق

تحرق كل الوشوش

يطلعلك كام فريق

دا قلب حس بظلمك

ودا قلب مستني

ينهش قوام عرضك

وع البكى يغني

ودا قلب شاكك فيك

بيلف كدا حواليك

يوم يجي معاك ويوم

ويوم يجي عليك

وكل يوم الظلم

يحلو وينور

وأنا وسط الطريق

بنقى وبدور

على حتى نص صديق

يكون سند ودليل

يكسر ظلام الليل

ويكون أنيس ليا

.

بناها جدو زمان
منقوشة بالألوان
كتب عليها كلام
موجود لحد الآن
***
طول ما الحب بينكم
ما حد يهزمكم
والحيطة دى أمانة
سلموها لولادكم
زى ماهيا واقفة
إوعى تميل منكم
الحيطة دى سندكم
الحيطة دى كنزكم
هتكون سبب أفراحكم
هتكون سبب حزنكم
الحيطة دى أمانة
إوعى تميل منكم
الحيطة دى أصيلة
ياريت تحافظوا عليها
على ناصية أنا بانيها
والكل عينه عليها
ولو يوم مالت منكم
مفيش غريب يبنيها
لأنه لو ساعدكم
هيطلب حقه فيها
***
الكل قرا الكلام
ياجدو ونسى أوام
والحيطة ياجدو مالت
وجابولها الواد فاندام
مفيش رجالة ياجدو
ومفيش كمان نسوان
الكل ياجدو نايم
الكل فى التوهان
أرجوك ياجدو تصحى
انتهى زمن الكلام
الحيطة ياجدو مالت
وجابولها الواد فاندام

.

.

منشورة بالمصرى اليوم بتاريخ الجمعة ٢٧ مارس ٢٠٠٩ عدد ١٧٤٨

.