هتعدي هتعدي هتعدي
مصر كبيرة كبيرة وهتعدي
....................
مهما كان الليل طويل
والسكات مالي الضمير
بكره جاي بألف خير
يامصر قومي يامصر عدي
...
هتعدي هتعدي هتعدي
فوق الظلم مصر هتعدي
....................
طول عمرها أرض السلام
والخير ماليها رغم الزحام
تتعب تصوم تقعد تنام
مصر الأمل مصر التحدي
...
هتعدي هتعدي هتعدي
فوق الأزمة مصر هتعدي
....................
دي بلدنا أجمل م الجمال
بنحبها علي كل حال
نزعل ساعات لكن محال
نقدر نحب غير البلد دي
...
هتعدي هتعدي هتعدي
فوق الصعب مصر هتعدي
....................
مصر الأمل مصر الأمان
مصر الحضارة للانسان
شارع بيدن بالأمان
وجرس كنيسة مليان حنان
يامصر حبك مش كلام
حبك أمل حبك تحدي
...
هتعدي هتعدي هتعدي
مصر كبيرة كبيرة وهتعدي
....................
الشمس تحضن أرضنا
والنيل عاشقها زينا
والحزن مهما يضمنا
نقدر نفوت نقدر نعدي
...
هتعدي هتعدي هتعدي
فوق الحزن مصر هتعدي
....................
الأرض طارحه قبل الأوان
تفاحة صابحه من الميدان
أزرع ياعم سعيد كمان
خلي الأمل طاهر مندي
...
هتعدي هتعدي هتعدي
فوق الخوف مصر هتعدي
....................
يابني نادي الشيالين
يحملو فرح السنين
أرفع لفوق المسطرين
أبني وأياك يوم تهدي
...
هتعدي هتعدي هتعدي
وهانبني ونعمر هتعدي
....................
مهما يدوس الحزن فوقي
وتزيد آلامي وتكتر حروبي
قادر أكون مهما يكون
أنا مصري مين في الدنيا قدي
...
هتعدي هتعدي هتعدي
أنا مصري في الدنيا مين قدي
...............
من ديوان / هي ثورة
................
من ديوان / هي ثورة
................
امام سليم امام
