رقاصة بلدي ترقص

في البلاد كلها

شايلة هموم الكون

ناسيه يناس همها

تضحك بصوت مسموع

والضحك طوالي

مليان بكا ودموع

علي كل شيء غالي

قالو عليها كلام

وكلامها متداري

ومنين تجيب القول

والخوف جبل عالي

الحظ لم ينكسف

ويحس بوجودها

ضحك عليها كتير

وساومها بحدودها

كل العيون تطلبها

وعيونها ترفضها

فرحتها فرحة ندم

وسكاتها باب مفتوح

لكل صاحب ألم

يجري عليه ويروح

يشرب هوا فرحها

يسرق حنين قلبها

ويكون ناصيبها سم

يجري قوام في عروقها

يقتلها يحرمها

من لون حياه ممكنه

تتبدل الامكنه

والكل يشبهها

يعرض شرور مبهرة

لجل الأمل ينطال

ويروح يلاقي شىء

فوق النصيب منصوب

واقف بقلب جرىء

يرجع حزين مغلوب

وينادي وينادي

ولاحد يسمع بيه

م الحزن شىء عادي

مكتوب تملي عليه

و يا حزن غالب ليه

ولايوم نسيت ناسك

و يا فرح غايب ليه

وشايلنا من راسك

رقصنا رقصة خوف

من كل شىء مكتوب

والفرح أمتي نشوف

صبحنا شىء مغلوب

مغلوب علي كل باب

مكتوب علينا عذاب

بعد العذاب نلقاه

فرحة بقلم كداب

في حياتنا كام رقاصة

تشبة خيوط النور

تكفرنا ليها ثقافة

ودفاعنا عنها زور

تابت صحيح تابت

وأحنا الي بينا شرور

ولاعمرها تابت

بقلم ضعيف مكسور

2009

.

الأصل واحد مدام قلوبنا متجمعه

علي حلم واحد ساكن بين الضلوع

والحزن عـايش والعيون متشوقه

لنـور يرجع للأمـل ضي الشموع

أنتا أنا ..... دا شىء أكيد

أنتا الأمل والبسمتين

وعشان تملي خطوتك

سابقه الزمن بخطوتين

وعيونك دايما تشوف المستحيل

فكرة وقلم

وحاجات كتير متبعتره وسط الزحام

واجب عليك تضمها

لحضن الأمل

ممنوع تشوف نفسك في المرايا وهيا بتندبح

ممنوع تعيش مستني صوت في العتمه يقتل خطوتك

مؤمن بأن العتمه من فعل القدر

عايز يعيش عاله علي كل البشر

اياك تخاف

نورك ظلام للي ضاع منه البصر

اياك تتوه زيهم

أوحتي تسأل عنهم

لو حاولوا يوم يهربوا

ويعودوا تاني بالزمن

وبكل الطرق

حسبوا نفسهم

علي ناس رحلوا من زماان عننا

كان فيوم حلمهم

فارس ينور سجنهم

أتقال عليه بعد كده

فاسد وخرب أرضها

اياك تخاف ظلم البشر

وأكسر قيود الخوف وحرر أرضها

أنشر شعاع النور ينور حلمها

حرر دموع الفرح من سجنها

أكتب كتاب العدل من تاني

أرسم وجوه الحب من تاني

أفتح طريق الحق من تاني

أبدر بذور الهمه من تاني

رجع عيون الخلق للسما

واياك تخاف ظلم البشر

دا أنتا أنا

والأصل واحد

مدام قلوبنا أتجمعت

علي حبها

............
12/10/2010
7:30 صباحا
امام سليم امام
.

الأسم في البطاقة
والمهنة والتاريخ
والشكل واللباقة
تشفهم تقول دا شيخ

...

عاقل صحيح مجنون
واقع ساعات موزون
فاتح في قلبة تكيه
لونه اساس كذا لون

...

شايل سكات الخوف
وع البكا محدوف
تسبق عيونه الزمن
لطريق اكيد معروف

...

حاجب حدود الراس
واقف رئيس حراس
كافر بكل حدوده
مؤمن برب الكاس

...

مولود بشر الارض
شيطان يؤدي الفرض
ساعة شرود العقل
يبدأ قوام العرض

...

تتر البداية عادي
رقصة بنغم هادي
الفرحة بنت جريئة
والحزن مش راضي

...

والضحك في الممنوع
ساعة صلاة الجوع
تنام علي كتفه لحظة
تتبسم الضلوع

...

يتوه في انغامها
ويحب آلامها
لما تعيش وتموت
وسكاتها هازمها

...

تجرح في قلبة مكان
يتألم الوجدان
يصرخ بعلو الصوت
أنا انسي مش حيوان

...

يموت في لحظة عشق
ويكون نزوله رشق
علي أرض مفروشة
بجماجم العشاق

............
26/6/2010

.

ولد وبنت بصوت واحد :

أحنا أطفال وصغيرين

أحنا أطفال حلوين طعمين

لا بنعيط ولا بنوأ وا

زي العصافير كده بنزأ زأ

ابتسامتنا ماليه عيونا

والفرحة بتجري في قلوبنا

بنحب الدنيا وبنغني
....

طب ليه يا بابا بتسبنا

وتسافر وتروح لبعيد

واحشتنا قوي ياحببنا

مش هاتيجي بقي في العيد

..

نعالي يابابا تعالي هنا

تعالي بجد وحشتنا

ليه يا بابا ليه ما تجيش

معانا تقعد وتعيش

تلعب معانا وتشيلنا

زي عمو وخالتو وتيته

....
ماما بتحبك يا بابا

وتملي نشوفها بتعيط

ماسكه صورتك ليل ونهار

وبتحكيلنا دايما عنك

وتقولنا بابا ياولاد

عايزكم تبقو شطار

وبتسألنا هنطلع ايه

......

البنت :

أنا قولتلها يابابا اني

هبقي صحفية مشهورة

في الجرنال ليا صورة

أمسك الفاسد من ودنه

وأخليه للناس عبره

....

الولد :

وأنا نفسي أطلع دكتور

أكشف علي الناس بالدور

وأخفف من آلامهم

....

الولد والبنت :

هنستناك يا بابا تجيلنا

وفحضنك الدافي تشيلنا

الفلوس مش هتعوضنا

حضنك الدافي ياحببنا


شارع شريف ( وسط البلد )
يناير 2010

.

لما القمر يحبك ويتمناك

تبقي ليه جار في السما

وأنتا بغبوتك ترفضه

قال أيه خايف تقع

يبقي ليه بعد كده

تيجي وتحلم بالنجوم

خليك لدود الأرض ياكلك

وعن الأحلام ياريت تصوم

واوعي تاني تبص فوق

لحسن تفوق

وتعرف أنك خلاص

صبحت ميت

عايش في توها ولخبتيشن

وكل اللي فات من عمرك صابه الضياع

لاعرفت تخطف أي خطوه

توصلك علي بر حلمك

ولاعرفت تهرب لحظه من الأوجاع

وفات عليك معاد البدل والإسترجاع

وكنت فاكر بركونك

للأرض هتعيش في أمان

أديك ندمت علي كل اللي فات

والقمر اللي حبك فيوم

غيرك سبق ليه

وطلع عشانه ميت سما

هل كنت فاكر أنه هيبكي عليك ويستناك

لحد ماتفكر أنك توقع أول قرار

سلملي بقي علي كل شيئ

خلاك تخاف

أنك تطير في الهوا

وتتشعلق بحلمك وتمسكه

وتخاطر لو مره وحيده

في عمرك الماضي الطويل

مش برضه أنتا اللي اخترت

تعيش جبان ولا هتقولي

مكنش بايدي الإختيار

خلاص ياحلو الحلم مات

يالا شوفلك حلم تاني من سكات

يكون علي قد حالك

وبلاش تلعن الليل والنهار

وتقول زهقت

دا الوقت مش وقت أنتحار

خليك حمار الحبه دول

وعيش حلاوة الأنتظار

يمكن فيوم تفوق كده

وتعرف

ان السعادة يدوب قرار

والفرصة لو تفوتك يوم

محتمل

مايكونشي ليك بعدها أي إختيار

.

بدون فزلكه وكلام كبير
وشعارات رنانه للتغيير
...
انا عايز ريس جديد
قلبه من حديد
تكون دماغه عاليه
وبيطلع بالمفيد
...
مش نغه ولا بلبانه
ولا مسنود من باباه
لو يوم جاتله الحاله
يقول هاتولي ماماه
...
ماماه مين ياعمنا
دي بلادنا دي بتاعتنا
مش ورث أبوك ياخويا
كفايه سودت عيشتنا
...
خليتها ياخويا بليله
في الشارع متبعتره
روح كده بلا نيله
شكلك صبح مسخره
...
نص الشعب في الشارع
بيلطم من السياسات
والفقر ليهم أمنيه
وأملهم فيك ماااااات
....
يالا لملم ألاتيشك
وشفولكو عزبه تانيه
قطعت أكل عيشك
مش هتقعد فيها ثانيه
...
البلد دي بتاعتنا
وهنحكمها بإدينا
مراح زمن البطيخ
سلملي بقي علي نينه
...
أنا المواطن اللي
في أيده القرار
ومنتش وصي عني
بطلت أكون حمار
...
وهقلبهالك ظلمه
وكرسي في الكلوب
دا أنا دماغي صرمه
وهتاكلها لو تحب
...
خلاص أنا جبت أخري
نقلبها حرب أهليه
وسلملي بقي علي باباه
وعلي الديمقراطيه
...
أنا عايز ريس بجد
يخاف يناس عليا
أقابله في أي يوم
وأقوله علي بيا
...
مش عايز أنا حراميه
شغلتهم مؤتمرات
في البدله مدفيين
وكل اللي عليهم هات
...
وأنا أجبلكم منين
ياولاد التيت تيت
أنا كنت رايح فين
والله ياربي نسيت
...
ياريس يالي هاتيجي
أرجوك تسمع كلامي
حاسب م اللي حواليك
ليكون فيهم حرامي
...
متخفي وعامل طيب
وع الحق قلبه حامي
ساعتها هنحاسبك أنتا
ودا آخر كلامي


2/5/2010

علي رصيف الحياة أنا اتولدت

ومن سكات الليل قلبي أترسم

برد ومطر

وبيوت كبيرة من الألم

مفروشه خوف

من جنس غريب

أحقر شويه من الحجر

فتحت ايدي

لجل ما أطول نصيبي

من خير المطر

داسو عليها بالجزم

وقالو نصيبك هناك

وسط أشلاء القمامة

ليه مادورتش عليه

مقبوض عليك

بتهمة

البحث عن البشر

مات البشر

وليه تعيش

مادام قلبك لسه

مامستوش قسوة حجر

أبعد بعيد عننا

منبوذ

ومستحيل

تبقي واحد مننا

خلاص عرفت

خلاص زهقت

من اللف

والشرب

من كاس القدر

وايه أنا أملكه

في الدنيا دي

غي ورقة بفره

هعمل بيها

آخر سيجارة

يمكن أنول

ضحكة مسمومه

تقربني من الحقيقة

وتبعدني عن المجهول

أمتي يابي

يجي اليوم

اللي فيه الغيوم

تسمح للقمر

يفرش نوره ع المكان

وألاعب الحياة

دور رفه

مع اني عارف من اللي فايز

لاكني بحلم

أشوف الحياة

ولو مرة واحدة

بتتشحتف وملهوفه وخايفه

من فصول القدر

اللي عمره

محن عليا يوم

بضحكة

تنسيني حبة هموم

وكأن الحزن سهم وخرج

وقلبي علشانه أنفطر

......
المنصورة
25/4/2010

                                                                                                                          

.

1
جوا الدرج

أحلام كتير مركونه

أفكار كتير مسجونه

بتصرخ تنادي في كل يوم

ياصاحب الدرج

أنا موجودة

ياساجن الأحلام

أزاى تعيش

وتسيب أحلامك

جوا درج مسجونه

-----
2

جوا الدرج صورة

علي ظهرها أسم وعنوان

علي ظهرها كلام حب كان

من حبيب فارق من زمان

الصورة بتبكي عيوني

والكلام بيصحي جوايا

الحب اللي كان

والأسم صبح لبنتي

وليه ياحبيبي أتغير العنوان

عارف هفضل أحبك

مهما يفرق بينا الزمان

-----
3

جوا الدرج حبة كلام

عني وعن الأيام

خايف لو يخرجو في يوم للنور

الناس تقول أحلام

أي كلام ملوش فايده

والأحسن أنه يرجع جوا الدرج

ومن تاني في هدوء ينام

-----
4

جوا الدرج ورقه وقلم وكتاب

وألبوم صور لأغلي أصحاب

وأجنده فيها مواعيد السفر

ومين فيهم يقدر يخفف عني

صوت من العذاب

ومين منهم قادر يقربني

من الأحباب

-----
5

جوا الدرج حلم كبير مسجون بقاله زمان

أني في يوم أكون أنسان

أعيش أنسان

ألاقي الحب في كل مكان

بيرسم في كل قلب ميت بستان

بيجمع القلوب في قلب واحد

مايعرف غير الحب والإيمان

---------------

13/4/2010
الساعه 10ص
جزيرة الورد" المنصورة"

                                                     


.

أحبك أينما كنتِ

في قلبي أنتِ مازلتِ

فلا تخش من الآتي

فما الآتي سوى أنتِ

فأنت الماء والمأوى

وأنتِ الشمس والقمر

وأنتِ المن والسلوى

وأنتِ النطق في فمي

فمن قال لكي أنى

نسيت الليل والنجوى

وأياما قضيناها

نداعب العشق أن يرضى

بقلبين يصلين

له في الخفي والجهر

صلاة لا يضاهيها

صلاة العابد الأتقى

فقلبي لم يجادلني

في يوم وينكر العشق

وكيف لقلبي أن ينكر

فحبك له أرضا

إذا ما أنكره في يوم

فلن يجد له أرض

فلا تخش من الآني

فما الآني سوى أنت

فلن أطلب من القدر

سوى... حبك أنتِ

يظل في قلبي ما شاء

إله الحب والعشق

فأنا لا أدري ما أفعل

إذا ما ضعت أو غيبتي

سوى أن أقول لكِ

أحبكِ أينما كنتِ

.....

كتبها: امام سليم امام

المنصورة... يناير 2010

اليوم السابع

.

.