الْمَقْعَد الْخَالِي
امام سليم امام on الثلاثاء، أبريل 04، 2023
أَيْنَ اَلصَّبَاحُ
امام سليم امام on السبت، مارس 04، 2023
اَلشَّمْس لَمْ تَبْتَسِمْ
أَيْنَ اَلصَّبَاحُ
وَالطُّيُورُ رَحَّلَتْ فِي صَمْتِ حَزِينَةِ
كُلُّ شَيْءِ هُنَا يُبْكِيكِي
قَلْبِي ، رُوحِي ، عَيْنَايَ
فَسَمَائِي لَمْ تُشْرِقْ مُنْذُ أَنْ اِمْتَلَأَتْ عِينَاكِي بِالدُّمُوعِ
فَلَا تَبْكِ
دُمُوعَكَ يَاحَبِيبَتِي تُخْضَعَ قَلْبِي لِلْحُزْنِ
وَتَفَقُّدِهِ اَلْحَيَاةَ
أَنَا بِدُونِكَ لَا شَيْءً
أَهِيمَ بِوَجْهِي فِي هَذَا اَلْكَوْنِ وَحِيدًا
لَا مَلْجَأ لِي وَلَا مُسْتَقِر
رُوحِيٍّ شَرِيدَة وَقَلْبِي مُقَيَّدٌ بِالْآلَامِ
وَعَيْنَايَ تَشْتَاق إِلَى اِبْتِسَامَاتِكَ
هِيَ لَحَظَاتٌ أَسْرِقُهَا مِنْ اَلْأَلَمِ
عِنْدَمَا أَغْمَضَ عَيْنِي وَارَاكِي تَنْظُرِينَ إِلَى بِحُبِّ
فَلَا دُمُوع تَحْجُبُ نُورَ شَمْسِكَ عَنِّي
وَلَا أَحْزَان تُزَلْزِلُ أَرْكَانِي
فَقَطْ هُوَ اَلْحُبُّ
يَامِنْ عَيْنَاهَا بَاب لِلَّجْنَةِ قَدْ فُتَحَ
يَسْكُنُ فِيهَا قَلْبِي وَيَحْيَا
فَأشَرِّقِي وَاتْرُكِي اَلْأَحْزَانَ لِأَهْلِهَا
فَالْحُبُّ قَدْ خُلَقَ لَنَا
وَالْحَيَاةِ بِدُونِ عِينَاكِي سَرَابٌ
فَلَا تَبْكِ بَعْدُ اَلْيَوْمَ حَبِيبَتِي
وَاجْعَلِي قَلْبِي يَنْعَمُ بِالصَّبَاحِ
امام سليم امام
مَارِس 2023
بَارِدٍ جِدًّا
امام سليم امام on الأحد، ديسمبر 11، 2022
هَكَذَا قَالَت
امام سليم امام on الاثنين، سبتمبر 26، 2011
طريق الحب
امام سليم امام on السبت، سبتمبر 24، 2011
طريق الحب
الحب مستني الحبايب علي الطريق
راسم أمل وشروق وحيره بلون جريء
طعم السكات حاضن وجوه العاشقين
راسم قيود وظنون وخوف وصوت حزين
عدت سنين والحب واقف مستني
يسمع كلام في العشق طالع بيغني
لكن قلوب الناس هجرت دا الطريق
وقالت بصوت مجروح العشق شيء مسيء
كل القلوب حيرانه وخايفه ليه
دا الحب من كل التهم طلع بريء
...
امام سليم امام
هتعدي
امام سليم امام on السبت، أغسطس 27، 2011
من ديوان / هي ثورة
................
يوم الزينة
امام سليم امام on الخميس، أغسطس 04، 2011
اليوم دا يوم الزينة
والشمس واخده قرار
تضحك وتورينا
الصادق والفشار
....
فرعون مش عايز يتلم
والحق في عصاية موسي
ينهار مدوحس ياولاد
فرعون مصمم ع الكوسة
....
السحرة سجدم لله
والحق واضح للناس
فرعون لايمكن يتلم
دا الشعب لجنابه مداس
....
فرعون بيموت ويعيش
واخد حصانه من النار
واللي يحب يعيش
بيطاطي للسمسار
يدفع من دمه حياة
للقائد المغوار
مايقولشي أمته وليه
فرعون باباه في الدار
....
أوقات كتير بنخاف
من العزيز الجبار
اللي مرابط ع الكرسي
ياليل طويل مالو نهار
....
هي الحكاية طويلة
ياشعب ياصبار
ليه الأماني كبيرة
والخطوة فوق النار
....
دستور بلدنا ياهو
سايبينه للأقدار
والحق لسه حزين
مستني اي نهار
وجعتوا قلوبنا يناس
الحق ليه محتار
....
أبو دقن عيره حزين
علي الشهيد المحتاس
عمال يخبط ها يبيض
ويدوق الكرسي يناس
شباب الثورة عميل
وجنابه حامي الدار
ساب القرآن ياهو
وبيقرا في الأخبار
....
ينهار مدوحس ياولاد
شعبولا جاي بحمار
ساب العربية وقال
الكرسي طعمه نار
واللي هينافق هيلاقي
تورتايه ست ادوار
....
سنطاوي البواب
قافل بيبان الدار
والشعب كله وراه
بيجري بالمشوار
ودي جمعة الكشري
ودي جمعة الكفيار
شطبنا ثورة خلاص
أحنا آسفين يانهار
....
مسجون في خوفي يناس
أرحمنا ياغفار
ماتقولي نكته ياخال
فرعون لابد في الدار
....
4/8/2011
أسيوط
امام سليم امام
رحيل
امام سليم امام on الثلاثاء، أغسطس 02، 2011
وفنص طريقها بيجلدها
والحيره مرسومه بيبان
مقفوله .. مين يحاسبها
..
نشكي لمين الحال ياخال
والكل واقف يتوضي
من بير جراح مليان أهوال
والحزن زاد قوي وعدي
..
نقدر نقول للدنيا كتير
وهي قادره تسمعنا
في وقت ماتوه المشاوير
بس الاجابه بدون معني
هي الحياة دايما بايعه
..
نعشقهابجنون تقتلنا
ونعزها بقسوة تهينا
أمانيها كدابه وباطله
وزينتها زي السيف قاتله
تضحك علينا وتخدعنا
ونحبها بكل غباوة
..
الدنيا أكبر اكذوبه
أبونا فيها قضي عقوبه
ولو هتشغل قلبك بيها
هتنسي الحقيقة المكتوبه
وتلاقي نفسك تهت وضعت
بعد فوات وقت التوبه
..
بنيجي الدنيا بطلوع الروح
وبكل سهوله بنسيبها
والروح لما تحب تروح
ربك كريم مايعذبها
..
الأسم علي ارضها عايشين
وحياتنا كلمة بتتغني
مره في ميلاد وكتير في رحيل
وليه بنفضل نستني
خلي الميلاد قرار لرحيل
ياقلبي افرح واتهني
فوق التراب مفيش افراح
تحت التراب فيه الجنه
..
أرمي الحياة من قلبك عيش
وهناخد ايه الا عملنا
وقبل ماتجهز لرحيل
أحجز مكانك في الجنه
لأ مش بعيد ولامستحيل
ربك خلقها علشانا
....
2/8/2011
أسيوط
الصف الثاني
امام سليم امام on الأربعاء، يونيو 01، 2011
أنـا والكـتاب
امام سليم امام on الجمعة، مايو 20، 2011
صوت الإنتاج
امام سليم امام on السبت، مايو 14، 2011
حارس الظلام
امام سليم امام on الخميس، مايو 05، 2011
صباح الخير علي بلادي
امام سليم امام on الاثنين، أبريل 25، 2011
أغاني الحب عطشانة
يانسمة صيف محاوطانا
بحبك حب مش عادي
الاستاذ
امام سليم امام on الخميس، أبريل 14، 2011
الاستاذ
.....
الاستاذ واقف بينظر
وبيكتب في كلام وكلام
مره يهاجم مره يفسر
وبيكدب والكدب حلال
الاستاذ مش عاجبه الحال
وناوي يألف ميت موال
قبل ما يسمع تلاقيه فاهم
الأستاذ مفتي الأجيال
يسأل مره وحيده يجاوب
علي نفسه من غير افعال
تستفسر عن سر جنابه
ومنين جايب طولة البال
يتحرر من كل كلامه
بسؤال ملضوم بسؤال
الاستاذ بس بيتكلم
والباقي يسمع وينام
تيجي تناقش مره تسلم
علي نفسك تلاقيك دجال
متخلف واقف يتكلم
في حضرة عالم أوزان
مش عايز تفهم تتعلم
وهاتفضل تلميذ خيبان
الأستاذ عايش أستاذ
يتكلم من غير ألوان
ويحفظ نهج الاموات
ويأسس تلميذ تعبان
بيردد التعلب فات
والتعلب سابقه بأجيال
أوزن أحسب أجمع شيل
أسمك سنك هدفك أيه ؟
أتخرج وأكون أستاذ
يتكلم والكل ينام
وأن قام حد يناقش
هارميه وهاقول خيبان
مش واعي سر الحكمه
بيفكر قبل الأوان
.....