في قلبي حكاية بطلها أمير
بيهزم بداية لبكرة الأسير
لفكرة بتقتل الحلم الكبير
......
وقف الأمير وسط الميدان
يهتف لوطــنه بالأمــــــان
رجع الأمير مرفوع الراس
لقـي في بيتة مليون تعبان
......
كان متخفي جـوا الجحور
ولا عمره يوم شاف النور
دايما يقول ماليش دعوة
بكل اللي ساكن في القصور
......
أنا حلمي أعيش بالأصول
علي السراط المستقيم
وأدخل الجنه وأنول
عـفـو الغـفـور الرحيم
......
دارت الأيام وعدت
الدنيا قصاد عنيه
حركت كل المعاني
اللي كانت فيوم
شىء سخيف بالنسبة ليه
......
صبح يحارب الحياة
بأسم الدين الحنيف
ويقول كلام خلاه يتوه
ويتحول أنسان ضعيف
......
وقف الأمير وقال بلادي
مستحيل تكون بلد إرهاب
يدمر الفجر اللي بادي
ينور للوطن أحلام شباب
......
أرجع يا حارس الظلام
جوا الجحور أتلف ونام
يا تكون معانا إنسان بسيط
وتمد ايدك بالسلام
......
رفض التعبان وقال
سلام مفيش دا شيء محال
قطع الأمير راس التعبان
وأتبدلت كل الأحوال
......
فوق الحياة نعيش سوا
ايد بتبني وايد بتحمي
وايد بتناول الدوا
هنلاقي الوطن
حضن كبير
يطمن قلب
بالخوف أنكوي
...
امام سليم امام
5 مايو 2011
