مش مطلوب مني أنافقك
أو أقولك كلام يلاطفك
ومن حقي أفضفضلك وأقولك
أرجوك يا ريس تفارقنا
وتحل عنا وتسيبنا
من كتر وعودك زهقنا
كام وعشرين سنة وإنت خانقنا
اسحب رجالك وفارقنا
من كتر ظلمك لينا اتفرقنا
أرجوك يا ريس تفارقنا
شباب مصر في البحر غرقان
ملقاش في بلده الأمان
ولا شغل ولا قطران
ولا حتى جيب مليان
ولا إنت مش حاسس بينا
أرجوك يا ريس تفارقنا
فاكر إن مافيش منك؟
بس في البلد أحسن منك
جيل جديد أحق منك
ومش محتاج وصاية منك
وما تزعلش من كلامي عنك
ده كله من كتر ما شفت منك
أرجوك يا ريس تفارقنا
....
✍️ إمام سليم إمام
سبتمبر ٢٠٠٨
