معصية الألم
.................
بكتب حروف قلبي وبرسمها
وردة
ونجمة
وكلمة بتنادي
على حلم جوايا بيهزمها
بالحزن
والخوف
والألم بادي
المعصية في الكلمة بكتبها
تصرخ
تبوح
بالحزن وتهادي
في كل حرف جريح بيقتلها
والحيرة
واجب
والألم عادي
.......
✍️ إمام سليم إمام
وثائق أمن الدولة.....وثيقة المواطن كاف يه
on الثلاثاء، مارس 15، 2011
وثيقة المواطن كاف يه
....................................
مكتوب في أول الوثيقة
أنه على علاقةٍ وثيقة
بجمعيةٍ حدث بلا وثيقة
الموجودة تحت عقب الباب
والتي يتلخص نشاطها في
حلب نظام الحكم
الإساءة لسمعة الولاد
زغزغة النهب العام
العمل لحساب سلاحف النينجا
الدعوة للتظاهر بالوطنية
تسريب الغاز لدمنهور
ويلاحظ في أعضاء الجمعية التالي:
تعاطيهم لأكلة الكنتاكي المخدرة
مشاهدتهم لقناة الجزيرة الرياضية
استخدام الأنتر سلك الهوائي
في التواصل المحظور قانونًا
التحدث دائمًا عن مستقبل مصر
وعن حالتها الصحية
مما يؤثر على الحاكم بأمر الست
في مباشرة مهامه اليومية
بتسليم السلطة المصرية
لحبيب أمه وأبوه
بعد حصوله على الإعدادية
ولهذا
نفضل سلخ المذكور
ثم ثقبه بالشنيور
والتحفّظ على الجثة
لحين معاينة مكان الحادث
بطريق مصر–إسكندرية الصحراوي
والكشف عن القاتل المجهول
وفي حالة عدم التمكن من تنفيذ الاقتراح
وظهور عدم التعاون من جانب المذكور
بل لجوئه لجهات حقوقية
داخلية أو خارجية
يرجى الاتصال بمكتب
سيادة اللوز عبد المدير السماوي
رئيس محابس نهب الدولة
للبت في الأمر
فالوضع جد خطير
والشباب بطل خوابير
والحشيش شاحج في السوق
وفي خوفٍ للشعب يفوق
والجمعية لازم تتفركش
وأهدافها واجب تتمنتج
قبل السبوبة ما تروح
ونلاقي روحنا بنجري
في الشارع قدام الناس
إمضاء:
واحد وخلاص
......
امام سليم امام
مارس 2011
الدين طول عمره مصري وأحنا مصريين
on الأربعاء، مارس 09، 2011
قال الشهيد
سألت الجموع .. بتهتف لمين؟
لمصر الحبيبة
لبكرة الجميل
لعودة سريعة
لروح الحياة
لحب يجمع عيون العباد
لحضن يطمن قلوب الولاد
لطلة جديدة
لشمس الأصيل
تنور سمانا
ونكون فرحانين
---
قالوا الحقيقة في صوت الجموع
مشاكل عديدة
من فقر لجوع
لحبّة مناصب
وخوف من الرجوع
لقلة قليلة من المسؤولين
في تقسيم غنيمة
اتنهبت سنين
وحطّ عليهم كنيسة وجامع
وسبحة وصليب
في شارع بلادي
واقفين مهزومين
قصاد الحقيقة الأبية العصية
العايشة معانا بطول السنين
"الدين طول عمره مصري .. وأحنا مصريين"
---
وجندي محتار في كل اتجاه
بيسمع في صوت بيحاول ينساه
الشعب يريد إسقاط الحياة
وشباب بيهتف للحق وللحياة
بيحلم ببكرة وبسمة يوم جديد
محتاجة لهمة وبصمة كل إيد
---
بينادي:
أخويا .. ارجع تاني فوق
هات إيديك .. وحطّم الفروق
قوم شوف بلدنا خسرت كام شهيد
وواجب علينا نكون شيء مفيد
ونملى وطنّا بالحب وبالأمان
أخويا .. حياتك حياتي .. وكل إيد
هاتبني لبكرة فداءً للشهيد
---
مارس 2011
✍️ إمام سليم إمام
أمسح دموعي بالأمل
on السبت، مارس 05، 2011
بنوتة حلوة صغيرة
بسمة عيونها محيره
كل العيون
في أديها شنطة ومسطرة
وقلم بيهتف بالحياة
وكتاب جميل أسمة الوطن
حلم الحياة
بتغني غنوة لمعني تاه
وسط الزحام
غنوة حياة
وتقول بصوت مليان شجن
" أمسح دموعي بالأمل
وأرسم معايا يوم جديد
مصر الجميلة الطيبه
محتاجة بكره لكل أيد
ترسم وطن مليان أمان
ترسم حياة بتوب جديد"
البنت سجدت للوطن
لحظة ميلاد أسمها
بالفطرة كان حبها
حكايتها سهله قريبه
لكل نفس طيبه
تسمها تنزل دمعتك
لما تقول
أخويا كان بيشدني
علشان أعيش
ويروح يقايض حلمه البريء
بنفسة الجميلة الطيبه
قالوا عليا أخت الشهيد
والدنيا لابسه توب جديد
فرحانه بوجودها الأمين
وسط ولادها المنصورين
الفرحانين بحضنها
وأخويا فرحان وسطهم
حاسه بكلامة وضحكتة
وبصوت غناه ورقته
لما يقول حضن الوطن
يشبه حلاوة ضحكتي
أخويا كان بيحبني
أكتر كتير من أي حد
وعشان أكمل فرحتة
هارسم أمل
في كل صفحات الوطن
وامشي وأكمل الطريق
وأنصر حبيبي البريء
هوا وشباب ضحوا عشانا
بكل شيء
وبدمهم فتحوا الطريق
لبكره يجي بالأمل
أرتاح يا أخويا وأبتسم
حلمك كفاح واجب عليا
مهما يطول بيا الزمن
......مارس 2011.......
بقلم / امام سليم امام
