عَ المنبر واقف ومطلع سيفه،
شايف قدامه الأعداء.
قاعدين ومسلمين،
خايفين ونعسانين،
ساكتين ومطنشين،
م الخوف مرعوبين.
---
سيفه عمال بيشاور
للنار: ليه واقفه بعيد؟
تعالي أحضرينا،
دول زوارك أكيد.
كلها يوم والثاني
ويجولك فـ الحديد،
مفيش فيهم رجا
ولا حتى فـ جيل جديد.
---
تصرخ النار وتبكي
في قلب هناك مرعوب،
يضحك عَ نص كلامها،
الرعب دا شيء مطلوب.
يمكن بفضله يرجع
لعقله كدا ويتوب،
القلب يشوف النار
حواليه من كل مكان.
---
يجري بنبضه ويهرب
لعالم مفهوش سيوف،
مفهوش غير الألم
ودموع بتطفي النار.
سيف الظلام يعود،
ويعلي لفوق.. لفوق،
وينزل عَ الجراح،
القلب يحترق
ويقول: كفاية سماح.
---
السيف عمال بيعلي،
وينزل عَ أي نور،
شافه بالقلب بيحلم
بعفو ورحمة ونجاة.
السيف عمال يخرب،
والقلب يقول: الله،
عفوك ربي أنقذني
من سيف هذا الشيطان.
---
تسود الدنيا فجأة،
ويقع القلب ويتوه،
مش عارف هو فين،
الموت عمال يقرب،
مفاضلشي غير دقتين.
---
القاعدين قاموا وانتفضوا:
حرام يا مسلمين!
عايزين دكتور بسرعة،
القلب دا مسكين.
✍️ إمام سليم إمام
.
