تعبت يابا
من الحياه دي،
عمال أطيب،
عمال أدادي.
وهيَّا يايا
مستحلفالي،
أصالحها مرة
تقوللي: برة.
وكل مرة
تقول: دا عادي.
طول عمري حرة،
وعيشتي مرة،
هاتيجي إنتا
تقف قصادي؟
---
أقول يا حلوة،
يا أحلى غنوة،
والله بحبك،
وربي شاهد.
بعشق نهارك،
وبدوب في ليلك،
وعمر قلبي
ما حب غيرك.
---
بتزعليني،
وتعصبيني،
وبتشيليني
وتحطيني.
وأبقى فوق،
وتنزليني،
ولسه شايلك
جوا عيني.
---
أرجوكي حِسّي
وعليا بُصّي،
دا العمر لسه
فاضله قصة.
يلا اكتبيها
بشكل تاني،
تقوللي: بُكرة
أو بعد بُكرة،
يمكن أفكّر
في حد تاني.
---
آه ياني منك،
ويا تقل دمك،
دا أنا بعدي عنك
أفضل نهاية.
خلاص يا حلوة
بيني وبينك
مفيش كلام.
دا الحب غنوة
غانيتها وحدي
في ليل طويل.
---
وعمري عمري
من بعد حبك
صبح أسير
لوهم حبك.
أنا قلبي ضحّى،
ضحّى كتير.
خلاص يا حلوة
بيني وبينك
مفيش كلام.
---
وبُكرة تيجي
تبوسي إيدي،
لما تشوفيني
بحب غيرك.
ساعتها تجري
كتير ورايا،
دا أنا حُبي ليكي
أسوأ بداية،
وبعدي عنك
أفضل نهاية.
---
