بُكرا بلدنا تشوف النور

لو نهديها أجمل دستور

دستور يحفظ حقي وحقك

وما يعملش خلاف وصِراع

دستور يفصل ديني ودينك

عن دولة أساسها الإبداع

---

✍️ إمام سليم إمام

2/9/2012

ولِسَّه بدوَّر عليها وسط العيون
الضحكة… أم الضفاير، عقلٌ وجنون

مابين الشوق وحلمٍ بعيدٍ بيتهرّب
أنا لِسَّه… محلك سر!

....

✍️ إمام سليم إمام

لو عايز تعيش سعيد

بَطّل تجري ورا الحقيقة

وخليك دايمًا في التقليد

أوعى تفكّر مرّة دقيقة

في حلم قريب ولا بعيد

عيش اللحظة زي ما قالوا

ووسط الزحمة ارقص و"ظيط"

حارب نفسك بكل ما تملك

وأقنعها إنك عبيط

وإنك مهما مشيت في الدنيا

فَهمك ليها لسه بعيد

لو عايز تعيش سعيد...

---

✍️ إمام سليم إمام