100 مليون سؤال
قلبي شايف فيكي جنة
وحب أجمل م الخيال
حاجة حلوة كبيرة بينا
وضحكة وميت مليون سؤال
هو فعلاً انتي انتي؟
ولا دا حلم وخيال؟
ياللي طول عمري بشوفك
جوا أحلامي احتمال
زي وردة كنت عايش
بنتظر ضي الصباح
قلبي تاه مني كتير
واتكوى حيرة وجراح
وانتي بس داويتي جرحي
بكلمتين طلع الصباح
بُكرة ليكي انتي بس
فرح ، ضحك ، هزار ، حياة
ياللي قلبي بيكي حس
ضحكتك نور الحياة
ياللي فرحتك حياتي
وابتسامتك يوم ميلادي
نفسي أرسملك حياة
فيها ضحكة ومفيهاش آه
فيها ابننا يغني
وانتي بتغني وراه
فيها بنت جميلة جداً
من جمالها نقول الله
فيها بابا وفيها ماما
فيها حب... فيها حياة
---
