✍️ هتعدي

هتعدي.. هتعدي.. هتعدي

مصر كبيرة.. كبيرة.. وهتعدي

---

مهما كان الليل طويل

والسكات مالي الضمير

بكره جاي بألف خير

يا مصر قومي.. يا مصر عدي

هتعدي.. هتعدي.. هتعدي

فوق الظلم.. مصر هتعدي

---

طول عمرها أرض السلام

والخير ماليها رغم الزحام

تتعب، تصوم، تقعد، تنام

مصر الأمل.. مصر التحدي

هتعدي.. هتعدي.. هتعدي

فوق الأزمة.. مصر هتعدي

---

دي بلدنا أجمل من الجمال

بنحبها على كل حال

نزعل ساعات لكن محال

نقدر نحب غير البلد دي

هتعدي.. هتعدي.. هتعدي

فوق الصعب.. مصر هتعدي

---

مصر الأمل.. مصر الأمان

مصر الحضارة للإنسان

شارع بيدن بالأمان

وجرس كنيسة مليان حنان

يا مصر حبك مش كلام

حبك أمل.. حبك تحدي

هتعدي.. هتعدي.. هتعدي

مصر كبيرة.. كبيرة.. وهتعدي

---

الشمس تحضن أرضنا

والنيل عاشقها زينا

والحزن مهما يضمنا

نقدر نفوت.. نقدر نعدي

هتعدي.. هتعدي.. هتعدي

فوق الحزن.. مصر هتعدي

---

الأرض طارحه قبل الأوان

تفاحة صابحة من الميدان

ازرع يا عم سعيد كمان

خلي الأمل طاهر مندي

هتعدي.. هتعدي.. هتعدي

فوق الخوف.. مصر هتعدي

---

يا بني نادي الشيالين

يحملوا فرح السنين

ارفع لفوق المسطرين

أبني واياك يوم تهدي

هتعدي.. هتعدي.. هتعدي

وهنبني ونعمر.. هتعدي

---

مهما يدوس الحزن فوقي

وتزيد آلامي وتكتر حروبي

قادر أكون مهما يكون

أنا مصري.. مين في الدنيا قدي؟

هتعدي.. هتعدي.. هتعدي

أنا مصري.. في الدنيا مين قدي؟

---

📖 من ديوان هي ثورة

✍️ إمام سليم إمام

وسط القلوب أنا ببتسم 

والفرحة ضحكة بتتقسم 

مقدرش أعيش وحدي أنا 

من غـير صحاب أنا بتهزم 

.....

✍️ إمام سليم إمام

اليوم دا يوم الزينة

والشمس واخدة قرار

تضحك وتورينا

الصادق... والفشّار.

---

فرعون مش عايز يتلم،

والحق في عصاية موسى.

ينهار مدوّحس يا ولاد،

فرعون مصمّم عَ الكوسة.

---

السحرة سجدوا لله،

والحق واضح للناس.

فرعون لا يمكن يتلم،

دا الشعب لجنابه مداس.

---

فرعون بيموت ويعيش،

واخد حصانه من النار.

واللي يحب يعيش

بيطاطي للسمسار.

يدفع من دمه حياة

للقائد المغوار،

ما يقولشي أمته وليه...

فرعون باباه في الدار.

---

أوقات كتير بنخاف

من العزيز الجبّار،

اللي مرابط عَ الكرسي...

يا ليل طويل مالوش نهار.

---

هي الحكاية طويلة،

يا شعب يا صبّار.

ليه الأماني كبيرة،

والخطوة فوق النار؟

---

دستور بلدنا ياهو،

سايبينه للأقدار.

والحق لسه حزين،

مستني أي نهار.

وجعتوا قلوبنا يا ناس،

الحق ليه محتار؟

---

أبو دقن عيّره حزين

عَ الشهيد المحتاس.

عمال يخبط... ها يبيّض،

ويدوق الكرسي يا ناس.

شباب الثورة عميل،

وجنابه حامي الدار،

ساب القرآن ياهو،

وبيقرأ في الأخبار.

---

ينهار مدوّحس يا ولاد،

شعبولا جاي بحمار.

ساب العربية وقال:

الكرسي طعمه نار.

واللي هينافق هيلاقي

تورتاية ست أدوار.

---

طنطاوي البواب

قافل بيبان الدار،

والشعب كله وراه

بيجري بالمشوار.

ودي جمعة الكشري،

ودي جمعة الكفيار.

شطبنا ثورة خلاص،

إحنا آسفين يا نهار.

---

مسجون في خوفي يا ناس،

ارحمنا يا غفّار.

ما تقوللي نكتة يا خال،

فرعون لابد في الدار.

---

📅 4 / 8 / 2011 – أسيوط

✍️ إمام سليم إمام

الحُزن دايس عَ القلوب

وفِنُصّ طريقها بيجلدها

والحِيرة مرسومة بيبان

مقفولة.. مين يحاسبها؟

..

نشكي لمين الحال يا خال؟

والكُل واقف يتوضّى

مِن بير جراح مليان أهوال

والحُزن زاد قوي وعدّى

..

نقدر نقول للدنيا كتير

وهي قادرة تسمعنا

في وقت ما تتوه المشاوير

بس الإجابة بدون معنى

ومهما ندفع فيها كتير

هي الحياة دايمًا بايعة

..

نِعشقها بجنون تقتلنا

ونِعزّها بقسوة تهينّا

أمانيها كدّابة وباطلة

وزينتها زي السيف قاتلة

تضحك علينا وتخدعنا

ونحبها بكل غباوة

..

الدنيا أكبر أكذوبة

أبونا فيها قضى عقوبة

ولو هتشغل قلبك بيها

هتنسى الحقيقة المكتوبة

وتلاقي نفسك تاه وضاع

بعد فوات وقت التوبة

..

بنيجي الدنيا بطلوع الروح

وبكل سهولة بنسيبها

والروح لمّا تحب تروح

ربّك كريم ما يعذّبها

..

الإسم على أرضها عايشين

وحياتنا كلمة بتتغنّى

مرّة في ميلاد.. وكثير في رحيل

وليه بنفضل نستنى؟

خلي الميلاد قرار لرحيل

يا قلبي افرح واتهنّى

فوق التراب مفيش أفراح

تحت التراب في الجنّة

..

إرمي الحياة من قلبك.. عيش

وهناخد إيه إلا عملنا؟

وقبل ما تجهز لرحيل

احجز مكانك في الجنّة

لأ.. مش بعيد ولا مستحيل

ربّك خلقها علشانا

---

✍️ إمام سليم إمام 

 2/8/2011 – أسيوط

الزُّهُورُ لَمْ تَبْتَسِمْ

أَيْنَ الصَّبَاحُ؟

وَالطُّيُورُ رَحَلَتْ فِي صَمْتٍ حَزِينَةً

لَمْ أَعُدْ أَسْمَعْ سِوَى

تِلْكَ الْهَمَسَاتِ الْحَزِينَةَ

الَّتِي تَقُودُ الْعُيُونَ غَصْبًا

حَتَّى تَفِيضَ بِالدَّمَعَاتِ

يَا لَهَا مِنْ لَحَظَاتٍ قَاسِيَةٍ

تِلْكَ الَّتِي تَجْلِسُ فِيهَا وَحِيدًا

وَلَا تَأْتِي الشَّمْسُ صَبَاحًا

كَيْ تُعَانِقَ الْحُجُرَاتِ

لَا شَيْءَ طَاهِرٌ بِدُونِهَا

فَالْأَرْضُ مِنْ تَحْتِكَ

تَرْفُضُ وُجُودَكَ فَوْقَهَا

وَهَذَا الشَّارِعُ الْمَمْلُوءُ بِأُنَاسٍ لَا يَعْرِفُونَكَ

تَرَاهُمْ يَلْعَنُونَكَ بِالنَّظَرَاتِ

مَاذَا فَعَلْتَ حَتَّى تُطَارِدَكَ الْأَطْفَالُ دَوْمًا فِي الطُّرُقَاتِ؟

أَيُّهَا الْقَلْبُ الْحَزِينُ

وَيَسْأَلُونَكَ بِكُلِّ قَسْوَةٍ:

أَيْنَ شَمْسُنَا،

أَيُّهَا اللِّصُّ الْكَبِيرُ؟

هَلْ حَقًّا حَجَبْتَ الشَّمْسَ عَنَّا

وَمَنَعْتَهَا مِنَ الْمَجِيءِ فِي هَذَا الْيَوْمِ؟

أَلَسْنَا أَطْفَالَكَ؟

مَاذَا قُلْتَ لَهَا بِالْأَمْسِ الْقَرِيبِ

حَتَّى تَغِيبَ؟

هَلْ أَغْضَبْتَهَا

فَقَرَّرَتِ الرَّحِيلَ؟

مَاذَا سَنَفْعَلُ الْآنَ،

أَيُّهَا الْكَهْلُ الْغَضُوبُ؟

مُنْذُ مَتَى وَأَنْتَ تَسْرِقُ أَحْلَامَنَا

فِي كُلِّ يَوْمٍ؟

لَمْ يَعُدْ لَنَا سِوَاهَا كَيْ تَدْفَأَ بَرْدَنَا

فَهَلْ نَمُوتُ؟

فَهَلْ تَمُوتُ؟

لَيْسَ لَنَا سِوَاهَا

قَلْبٌ حَنُونٌ

دَعْ كُلَّ شَيْءٍ جَانِبًا

وَلَا تَسْتَمِرَّ فِي هَذَا الْهُرَاءِ

فَالْقَلْبُ مِنْ فَرْطِ الْبُكَاءِ

قَدْ يَذُوبُ

هَيَّا أَخْرِجْ هَذَا الْجَوَّالَ الْحَزِينَ

مِنْ ذَلِكَ الْجَيْبِ الْمُخَادِعِ

وَحَادِثْهَا

لَعَلَّهَا تُجِيبُ

...

إِمَام سَلِيم إِمَام

أُغُسْطُس 2011