دورت كتير

عالإنسان

في كل شارع

وفي كل ميدان

وفي كل عطفة

وفي كل خان

ما لقيتش غير

شوية ألوان

كام قميص

على كام فستان

حاجة كده

زي المانيكان

بلا إحساس

بلا وجدان

ماركة صنع

في تايوان

الواحد من

كتر الأحزان

تلاقيه مسافر

بلا عنوان

بيدور

على أي مكان

يلقى فيه

لمسة حنان

وحبايب

وكمان خلان

وحاجة من

ريحة زمان

مفهوش جلاد

ولا سجان

ولا حد بيعمل

حاجات جنان

ويقول هو ده

برّ الأمان

من على مكتب

جوا أربع حيطان

وكل يوم

ينصب صوان

لكام واحد غرقان

من سكان

وادي الأحزان

حاولوا يفوزوا

بلقب إنسان

.....

✍️ إمام سليم إمام