الفرق واضح الفرق صريح
ودا خط فاضح ودا خط جريح
كُتاب وشايلين هم الناس
وكَتبة عينهم ع الكرسي
جرة قلمهم قتلت ناس
والجايزة ليهم والكرسي
ومين يقول كل الكلام
من غير ما يهزم صوت ضميره
غير قلب حاسس بالآلام
اللي بتوجع قلب غيره
عارف بأن الدنيا ساعة
لازم يعيشها بنفس حرة
والكلمة مش سلعة وبضاعة
هايروح يبعها في كل مرة
عارف بأن كلامه عايش
في كل لحظة من الزمن
علشان ضميره في قلمه عايش
ولا عمره يوم باعه بتمن
وبكره جاي بالنور يصحي
كل القلوب الطيبة
ينصر قلم عمال يضحي
وف إيده فرحة قريبة
شايل لكل الكُتبة كرسي
بره حياتنا الطيبة
بدون كلام يكتب قلمهم
ويا الظلام راح واتنفي
هيكون مصير الكلمة صوت
وسط الحياة فجأة اختفى
..................
✍️ إمام سليم إمام
6/1/2011
