نقول حكايات
نكتب شعر ومقالات
نقعد عليه بالساعات
سهرانين طول الليل
ناس بتعاكس في البنات
وناس بتحضر لإضرابات
وناس بتنشر إشاعات
من غير أي دليل
عمل إحراج للحكومات
مفيش تعتيم ع المعلومات
والدخول بدون بطاقات
لمعلومات زي السيل
بنشوف كل المجتمعات
ونقابل كل الثقافات
وبندخل في صراع حضارات
وننتظر نزع الفتيل
فيه كثير من الجروبات
عن توسيع البنطلونات
وعدم التحرش بالستات
وشعر تمورة الطويل
شكراً عصر المعلومات
ويارب احمي الكومبيوترات
من رعب الفيروسات
دا التواصل شيء جميل
.............
✍️ إمام سليم إمام
15 مارس 2009
