بناها جدو زمان
منقوشة بالألوان
كتب عليها كلام
موجود لحد الآن
---
طول ما الحب بينكم
ما حد يهزمكم
والحيطة دي أمانة
سلموها لولادكم
زي ما هي واقفة
إوعى تميل منكم
الحيطة دي سندكم
الحيطة دي كنزكم
هتكون سبب أفراحكم
هتكون سبب حزنكم
الحيطة دي أمانة
إوعى تميل منكم
الحيطة دي أصيلة
يا ريت تحافظوا عليها
على ناصية أنا بانيها
والكل عينه عليها
ولو يوم مالت منكم
مفيش غريب يبنيها
لأنه لو ساعدكم
هيطلب حقه فيها
---
الكل قرا الكلام
يا جدو ونسى أوام
والحيطة يا جدو مالت
وجابولها الواد فاندام
مفيش رجالة يا جدو
ومفيش كمان نسوان
الكل يا جدو نايم
الكل في التوهان
أرجوك يا جدو تصحى
انتهى زمن الكلام
الحيطة يا جدو مالت
وجابولها الواد فاندام
---
✍️ إمام سليم إمام
