أنا طفل بحبي
فوق حصيرة
عيدانها شوك
أشوف عيون حبيبي
أصــرخ
وأنط لفوق
لحظة لقانا
أرتـجف
وأبـكي
أول ما أسكن
جوا حضنه
تختفي بينا الفروق
ترقص خيول الفرحة
جـوايا
وتجري ع الطريق
تبعتر الفرحة
على العدو
قبل الصديق
ألاقي الحزن
واقــف
ومستني
بقلب جريء
يـقابـلني
يحضني
يشعل فقلبي حريق
أعود لحبيبي تاني
وفقـلبي
لهفه وشوق
أرجع أدوق الشهد
وفلحظة واحدة
أفـــوق
تتولد خيول الفرحة
وبسرعة تاني
تـمـوت
وأزاي تدوم الفرحة
جـوايا
وبالي يروق
والحزن
ورا فرحتي
فـوق الطريق
مطلوق
