كل العالم طلعت قالت
اطلع بره يا عم شفيق
مش عايزين ألاعيب وملاوعة
والوقت اتغيّر يا فريق
بص في ساعتك كده واتأكد
الثورة قامت يا عنيد
---
والمسؤول واقف يتفرّج
والشعب بيغلي ويشيط
شيلوا الناس… الوقت اتغير
الموضوع سهل وبسيط
ولا الحكاية فيها "إنه"؟
ما تقولي يا دفعة يا حويط
---
ماسك السلطة باسم الشعب
والشعب بالفعل بعيد
دم الشهدا إيه أخباره؟
ما سمعناش عن أي جديد
المصري مين يطفي ناره؟
والقاتل عايش وسعيد
---
يالا يا قائد… أنجز خلّص
عايزين أي قرار مفيد
دا الفاسد عمال بيدوّر
على حد قريب من البيت
يديله رخصة وتأشيرة
علشان يرجع تاني يظيط
---
ساعتها الدم هايرجع
والسقف هينزل بالبيت
شفيق يا راجل… قوم شيله
واسمع صوت الشعب أكيد
مش إنت الحارس للثورة؟
ولا إنت رئيس جديد؟
---
✍️ إمام سليم إمام – فبراير 2011
