صباح الخير على بلادي
يا فرحة وغنوة بتنادي
بحبك والهوا صاحب
ياكل الماضي والآتي
كتبت بحبي أحلامنا
حياة تانية ولا الجنة
وعايشلك وبتمني
أشوفك جنة يا بلادي
تعالي للهوا أمانة
أغاني الحب عطشانة
يا نسمة صيف محاوطانا
بحبك حب مش عادي
سألني الخوف على ديني
وفين أرضي وعناويني
وليه الروح بتحييني
أنا والحلم وبلادي
أنا ديني يا ناس مصري
وأقولها بصوت قوي وعالي
ومصري في الزمن أسمي
وأرضي هي عنواني
حبيبة قلبي وعيني
كتبت بدمي حرية
تنور كل ليالي
صباحك بالعمل نادي
صباح الخير على بلادي
يا فرحة وغنوة بتنادي
بحبك والهوا صاحب
ياكل الماضي والآتي
---
✍️ إمام سليم إمام
25/4/2011
