الثورة في الشارع واقفه
معروضه بتخفيض للبيع
العسكر سرقوها بخفه
والأخ بيهتف: بيع بيع
قالك إيه: "كلنا إيد واحده"
والجيش ليها حصن منيع
بكرا هنفرح وهنتظبط
وهنغرق شغل ومشاريع
حاكم بلدي فاهم دارس
بيفسر كل الألاعيب
واللي يشكك عيل خاين
هنقوله: غلط، لا كدا عيب
الثورة نجحت واكتملت
والجيش ليها حصن منيع
إحنا وراه نفديه بعنينا
وهنحميها ولا يوم هتضيع
شكراً أبطال الثورة
بصراحة… أنتم خونه
عاش الجيش القائد عاش
ولتسقط أي مظاهرة
....
إبريل 2011
✍️ إمام سليم إمام
