.............
سرقوني وبهدلوني
وفي الشارع رموني
سنين وأنا بعاني
ويقولوا: كتف قانوني
صرخت وقلت: آه
الظلم طال مداه
كل العالم سمعني
وقال: دا شيء قانوني
الظالم له نهاية
مهما يكون حريص
في كتابة الحكاية
بأحبار البوليس
اتشالت المتاريس
اضحك يا عم وهيّص
وإيّاك تقولي رئيس
دا كل شيء قانوني
في السجن مشرفين
وزراء ومسئولين
عن ظلم عاش سنين
تحت رئاسة شالوني
مفيش دلوقتي حاجة
تقدر تمنعني عنهم
غير إنّي وببساطة
مش عايز حد منهم
يقول على حكمي ظالم
أنا أحب أعيش قانوني
.............
13/4/2011
✍️ إمام سليم إمام
